charagh-e-dagh dil-e-soḳhta jo ho raushan
patang phir kahin ankhon ko senkta na phire
jo ho tamancha-e-mauj-e-nasim se agah
habab sar pe liye kasa-e-riya na phire
kulah-e-faqr pe nazan huun main badaulat-e-ishq
sar-e-niyaz pe mere kabhi huma na phire
ḳhayal-e-ḳhvab-e-adam gar na ho gareban-gir
to aankh muund ke yaan koi bulbula na phire
na hove dida-e-sub.h-e-vatan kabhu raushan
ghubar-e-gor-e-ghariban kabhu uḌa na phire
Leave a Reply