Parveen Fana Syed
tumhara zauq hi kamil nahin hai
vagarna koi shai mushkil nahin hai
sharar-e-gham ka jo hamil nahin hai
vo dil sab kuchh to hai par dil nahin hai
jahan-e-rang-o-bu par mitne vaalo
ye duniya mauj hai sahil nahin hai
badhe jin ke qadam rah-e-junun men
phir un ki koi bhi manzil nahin hai
nashat-angez naghme kya sunaen
tabiat is taraf maail nahin hai
Leave a Reply