Anjum Barabankvi
kitab-e-ishq ke jo mo’atabar risale hain
unhin men husn ke kuchh mustanad havale hain
ba-zo.am-e-jabr tasarruf men jin ke duniya thi
vo aaj rahm ki taḳhti gale men Daale hain
na jaane kaun si aafat ka pesh-ḳhema hai
ye barg sabz havaon ne kyuun uchhale hain
ḳhabar uḌaao ki peshani-e-siyasat par
ham apne faqon ki tafsil likhne vaale hain
panah mujh ko mili aise shahr men ‘anjum’
jahan pe aaj bhi tahzib ke ujale hain
Leave a Reply