Ye Kya Kaha Ki Jamal Un Ka Be-Hijab Na Tha

Shifa Gwaliari

ye kya kaha ki jamal un ka be-hijab na th

ye mahtab nahin tha ye aftab na tha

na hai vo daur jo majruh-e-inqalab na tha

tumhare husn mire ishq ka javab na tha

jahan-e-gham men tasavvur bhi kamyab na tha

‘shifa’ hamari qayamat men aftab na tha

ye tha hijab-e-fareb us ka ya fareb-e-hijab

ki be-hijab tha vo aur be-hijab na tha

vo barhami se sahi mujh ko dekh to lete

ḳharab tha magar itna to main ḳharab na tha

ḳhata muaaf ho vo din bhi yaad hain ki nahin

hamen hijab tha aur aap ko hijab na tha

dil-e-shafaq se lab-e-gul se chashm-e-shabnam se

kahan kahan se farozan tira shabab na tha

‘shifa’ vo rota na kyunkar gulon ke hansne par

jo gham-nasib ki gham men bhi kamyab na tha