Jawed Manzar
raste pe zulm-o-jaur ke chalne lage hain ham
ab rah-rau ke ḳhuun pe palne lage hain ham
mumkin hai koi baat ghalat ham se ho ga.i
ya yunhi apna rang badalne lage hain ham
jis ke liye bane the usi rah-navard ko
dekha jo mutma.in to machalne lage hain ham
jab tai hua safar to lahu pairahan hua
manzil ko dekhte hi ubalne lage hain ham
jitne ḳhayal men the sitam sab hi Dah chuke
ab haath apne zulm pe malne lage hain ham
manus ho saka na koi mutma.in hua
‘manzar’ qadam qadam pe sambhalne lage hain ham
Leave a Reply