sun rahe hain koi taara sair karta aa.ega
jaane kya paigham dharti ke liye vo la.ega
phuul ik din ḳhvahishon ka dhuup men kumhla.ega
pattiyan bikhrengi us ki biij hi rah ja.ega
baanT kar aa.ega sab kuchh shahr ke bazar men
har mahine ḳhali jeben ghar ko vo dikhla.ega
tu havaon sa guzar daman bacha kar raah se
phuul ka to kaam hai hans hans ke vo bahka.ega
TukḌe TukḌe honge suraj aur sitare har taraf
kar ke tanDau show sabhi brhamanD ko bikhra.ega
us ke ghusse se bagule uTh rahen hain dhuup men
garm dil sahra jo bola aag hi barsa.ega
ek hi chubhta sa kanTa un ki parton men nahin
phuul si baten hain us ki sab ko hi mahka.ega
Leave a Reply