kya khabar thi raz-e-dil apna ayaan ho jaega
kya khabar thi aah ka shola zaban ho jaega
hashr hone de sitamgar ham dikha denge tujhe
pyara pyara ye gareban ungliyan ho jaega
raat bhar ki hain baharen shama kya parvana kya
sub.h hote hote rukhsat karvan ho jaega
hashr men insaf hoga bas yahi sunte raho
kuchh yahan hota raha hai kuchh vahan ho jaega
is ko kahte hain jahan men log sachchi ulfaten
tiir jab dil se khichega to kaman ho jaega
aadi sidhi padti hain nazren tumhin par aaj to
majma-e-tar-e-nazar kya baddhiyan ho jaega
hai yahi rang-e-sukhan to ‘shair’ shirin-zaban
tu bhi ik din tuti-e-hindustan ho jaega
Leave a Reply