Mar Jaenge Jab Hum Nauhe Likkhenge

mar jā.eñge jab ham nauhe likkheñge

hākim maut hamārī dekhnā becheñge

ḳhushk āñkhoñ ko dekh na leñ kahīñ zālim log

āñkhoñ pe rūmāl ko rakh kar ro.eñge

koī na hogā sunñe vaalā bastī meñ

kutte shahr ke ūñche sur meñ bhauñkeñge

jo bhī adālat adl kare is mausam meñ

us ko aag lagā ke duur se dekheñge

hākim ab sailāb meñ marne vāloñ kā

j i T se fursat ho to socheñge

apne ghar ke log nahīñ pahchāneñge

ḳhvāboñ ko ham jab dafnā kar lauTeñge

log to shāyad paanī meñ hī bah jā.eñge

‘safdar’ sāhab saañp gharoñ se nikleñge

Leave a Comment