Athar Shakeel
dekhne men to lagte hain insan se
be-ḳhabar hain sab apni hi pahchan se
hai tujhe yaad karne ki ḳhvahish bahut
dil jo ghafil kabhi ho tire dhyan se
dushmani ka koi dav-kari nahin
jiit lete hain dushman ko ehsan se
dil men shafqat ho chahat ho iḳhlas ho
ghar ka matlab nahin saz-o-saman se
yuun sar-e-rah un se taqabul hua
jaise milta hai anjan anjan se
ghar se bahar to the mutma.in mutma.in
ghar men ‘at.har’ mile hain pareshan se
Leave a Reply