Shahzad Nayar
dil-nagar men bhi aa.iye sahib
varna a.ankhon se ja.iye sahib
ji uThenge hazar-ha manzar
sirf palken uTha.iye sahib
main gira to zamana uTThega
baat dil men biTha.e sahib
is jagah TuT-phuT rahti hai
mere dil men na aa.iye sahib
ḳhaak hain aap ki hatheli par
jaise chahe uḌa.iye sahib
main na bola to kaun bolega
aap ḳhud hi bata.iye sahib
ham se duniya to ruuTh baiThi hai
aap hi maan ja.iye sahib
Leave a Reply