vo taghaful ko ilaj-e-gham-e-pinhan samjha
chara-gar bhi na mire dard ka darman samjha
tab-e-didar na laai nigah-e-naz-parast
aur vo dida-e-ushshaq pe ehsan samjha
jama khatir na hui did-e-butan se apni
daftar-e-husn ko ajza-e-pareshan samjha
na hui jalva-gah-e-naz ki vusat maalum
go main har zarra ko ik dida-e-hairan samjha
thi tiri yaad bhi kya anjuman-ara-e-khayal
dil men jo shoala utha sham-e-shabistan samjha
shorish-e-ishq ka asan na tha andaza
chaak ho kar miri vahshat ko gareban samjha
sahib-e-dil hai vahi murshid-e-kamil hai vahi
mere chehre se jo mera gham-e-pinhan samjha
har nafas shahid-e-dushvari-e-ulfat hai ‘nazar’
sakht mushkil tha vahi kaam jo asan samjha