Abdul Ahad Saaz
ghul si gai ruuh men udasi
raas aai na ham ko khud-shanasi
har mod pe be-kashish khadi hai
ik khush-badani o kam-libasi
lalach men paron ke pair chhute
ab rakht-e-safar hai be-asasi
nafs-e-mazmun isi men hai go
mazmun-e-nafas hai iqtibasi
aai bhi to kya nigar-e-taabir
odhe hue khvab ki rida si
jaadu sa alam ka kar gai ‘saz’
un ankhon ki multafit udasi
Leave a Reply