vaise to be-shumar hain qamat-kashida log
ginti hui to rah ga.e bas chida chida log
dastar ke husul ka koi to ho javaz
kis zo.am men hain mubtala ye sar-burida log
ai kaash apni maut hi marte to tha maza
jaan se guzar ga.e hain jo mardum-gazida log
koi to pushti-ban hai un ka yahin kahin
kab baiThte hain chain se daman-darida log
khinchegi tuul kab talak mohlat mili hui
fir.aun ban ga.e hain tire afrida log
‘parvaz’ jin ki diid ko ankhen taras ga.iin
laa.en kahan se DhunD ke aise chunida log
Leave a Reply