Poet
do-jahan se mavara ho ja.ega
jo tire gham men fana ho ja.ega
dard jab dil se juda ho ja.ega
saz-e-hasti be-sada ho ja.ega
dekhiye ahd-e-vafa achchha nahin
marna jiina saath ka ho ja.ega
be-natija hai ḳhayal-e-tark-e-rah
phir kisi din samna ho ja.ega
ab Thahar ja yad-e-janan ro to luun
farz-e-tanha.i ada ho ja.ega
lahza lahza rakh ḳhayal-e-husn-e-dost
lamha lamha kaam ka ho ja.ega
zauq-e-azm-e-ba-amal darkar hai
aag men bhi rasta ho ja.ega
apni janib jab nazar uTh ja.egi
zarra zarra a.ina ho ja.ega
Leave a Reply