parda ulat ke us ne jo chehra dikha diya
rang-e-rukh-e-bahar-e-gulistan uda diya
vahshat men qaid-e-dair-o-haram dil se uth gai
haqqa ki mujh ko ishq ne rasta bata diya
phir jhank-tak ankhon ne meri shurua ki
phir gham ka mere nalon ne lagga laga diya
angdai donon haath utha kar jo us ne li
par lag gae paron ne pari ko uda diya
sikhi hai us javan ne pir-e-falak ki chaal
hir-phir ke mujh ko khaak men akhir mila diya
vo sair ko jo aae to sadqe men un ko ‘barq’
har ek gul ne tair-e-nikhat uda diya
Leave a Reply