Poet
mile hain dard hi mujh ko mohabbaton ke evaz
sile men haath kaTe hain mashaqqaton ke evaz
ḳhamosh rah ke bhi main guftugu karun un se
nigah vo miri paḌh len sama.aton ke evaz
gharon men sham.a ki surat vo raushni kar ke
pighal raha hai har ik pal tamazaton ke evaz
na puchho baap se apne kabhi shab-e-hijrat
milega kya tumhen un ki vasiyyaton ke evaz
palaT ke ham ne bhi ik baar phir nahin dekha
falak jo bech diye ham ne kal chhaton ke evaz
main ji bhi ja.un to tanha.i mujh ko Das legi
chahar samt muqatil hain qurbaton ke evaz
ai kaash mera bhi hamdard ho koi ‘sharib’
mujhe riha.i dila.e zamanaton ke evaz
Leave a Reply