ankhen hain josh-e-ashk se panghat
ashk phirte hain in men jaise rahat
main na samjha tha ḳhuub tere taiin
hai tu mutrib pisar bada nat-khat
pi gae ham surahi-e-mai ko
dast-e-saqi se lete hi ghat-ghat
tera tir-e-nigah hai vo kafir
munh se ik dam juda tu kar ghungat
samjhe the maar aap dekhi thi
aine men kisi ki zulf ki lat
jis ko kahte hain arsa-e-hasti
tausan-e-umr ki hai ik sarpat
‘mus.hafi’ us ke ruḳh pe ḳhat aaya
gae ve din gai vo rut hi palat
jam ke baithe na tha jahan koi
raat din ab rahe hai vaan jamghat