Shahida Majeed
hadson ne use bhi toḌ diya
reza reza bikhar ga.i main bhi
ik bhanvar men raha hai vo bhi sada
aur kinare na lag saki main bhi
us ne sahra ki ret ko oḌha
ḳhaak men ḳhaak ho ga.i main bhi
us ne ḳhud ko badal liya aḳhir
aur pahli si kab rahi main bhi
mere dil ko bhi vo na raas aaya
us ke dil se utar ga.i main bhi
us ke dil men bhi koi ranjish thi
kuchh ḳhafa us se ho ga.i main bhi
us ne bhi hijr ki tapish jheli
birha ki aag men jali main bhi
zo.am us ke bhi sab hi TuuT ga.e
aur na baaqi rahi mari main bhi
Leave a Reply