Poet
suraj ki tarah apne hi mehvar men qaid huun
sadiyon se raushni ke samundar men qaid huun
sar se guzarti jaati hain lamhon ki andhiyan
main huun ki mah-o-sal ke chakkar men qaid huun
kya kya na sochta huun main farda ke baab men
halanki janta huun muqaddar men qaid huun
chahun to ka.enat ke ḳhirman ko phunk duun
tum kya samajh rahe ho ki patthar men qaid huun
shayad mira vajud tha ik hissa-e-zamin
main ḳhaak ho ke bhi isi chakkar men qaid huun
‘tahir’ main ik jazire ki manind aaj bhi
tishna-dahan huun go ki samundar men qaid huun
Leave a Reply