Dfa Cf Dd F Fbebdca
jab us ne nahin dekha jab us ko nahin bhaa.i
kis kaam ki ara.ish kis kaam ki zeba.i
ye kar-e-mohabbat bhi kya kar-e-mohabbat hai
ik harf-e-tamanna hai aur us ki pazira.i
ik pal ki masafat thi is dil se tire dil tak
is raah men bhi lekin ik umr bita aa.i
jab koi use dekhe bas dekhta rah jaa.e
ye husn ki ḳhubi hai ye husn ki yakta.i
ye mauj-e-hava yunhi itrati nahin phirti
us phuul se mil aa.i ḳhushbu bhi chura laa.i
ik zard sa patta tha jab shaḳh se bichhḌa tha
main raah men bikhra tha jab mauj-e-hava aa.i
Leave a Reply