fahmida-riaz

Megh Dut

sansanahaton ke saath

gadgadahaton ke saath

aa gaya!

pavan-rath pe baith kar

mera megh devta

dosh par havaon ke

baal udata hua

us ka jamuni badan

asman pe chha gaya

duur tak garaj hui

zamin dahalne lagi

asman simat gaya

badi ghan-garaj ke saath

tuut kar baras pada

aur main aankh muund kar

haath pasare hue

daudti chali gai

ang se laga rahi

niil us ke ang ka

main ki bint-e-jijr huun

mujh men aisi pyaas hai

main ki mere vaste

vasl bhi firaq hai

mujh men aisi aag hai

megh-ras men bhiig kar

hanpti khadi khadi

kah raha hai dil mera

yahi hai

madhur milan ki ghadi

More Poems

Leave a Comment