ham aise log kahan manzilon ko paate hain
ham aise log faqat raste banate hain
ye tere jism ko chhu kar pata chala hai mujhe
ki narm phuul bahut jald suukh jaate hain
ye kaam hijr men bid.at shumar hota hai
magar ye dekh ki ham phir bhi muskurate hain
tira to ḳhair koi tujh se duur hi na gaya
tujhe ḳhabar hi nahin saans kaise aate hain
nazar na a.enge tujh ko ghubar uḌne de
tire liye jo mujhe raah se haTate hain
tumhare ḳhvab ghanimat hain bujhti ankhon ko
magar ye ḳhvab hamen niind se jagate hain
ye kaun baagh men ‘sahir’ dikha.i dene laga
ki phuul peḌ parinde ḳhushi manate hain
Leave a Reply