gulzar

Mujhe Andhere Mein Be-Shak Bitha Diya Hota

mujhe andhere men be-shak bitha diya hota

magar charagh ki surat jala diya hota

na raushni koi aati mire taaqub men

jo apne-ap ko main ne bujha diya hota

ye dard jism ke ya-rab bahut shadid lage

mujhe salib pe do pal sula diya hota

ye shukr hai ki mire paas tera gham to raha

vagarna zindagi ne to rula diya hota

More Poems

Leave a Comment