Zard Chehra Hai Mera Zard Bhi Aisa-Waisa

zard chehra hai mira zard bhi aisa-vaisa

hijr ka dard hai aur dard bhi aisa-vaisa

aisi thanDak ki jami barf har ik khvahish par

sard lahja tha koi sard bhi aisa-vaisa

ab use fursat-e-ahval mayassar hi nahin

vo jo hamdard tha hamdard bhi aisa-vaisa

yaani is dhuul ke chhutne pe bhi ilzam-e-junun

koi tufan hai pas-e-gard bhi aisa-vaisa

puuri basti men bas ik shakhs se nisbat mujh ko

mujh se munkir hai vo ik fard bhi aisa vaisa

ishq ne rail ki patri pe litaya jis ko

tha javan-mard javan-mard bhi aisa-vaisa

kya tujhe hijr ke azar batae ‘komal’

tu to be-dard hai be-dard bhi aisa-vaisa

Leave a Comment