Sufi

Na Pahunche Chhut Kar Kunj-e-Qafas Se Hum Nasheman Tak

na pahunche chhut kar kunj-e-qafas se ham nasheman tak

par-e-parvaz ne yaari na ki divar-e-gulshan tak

vo be-dil huun ki mujh se dosti karta hai dushman tak

vo rahrav huun ki mujh ko raah batlata hai rahzan tak

pas-e-murdan ye ai mashshata-e-bad-e-saba karna

hamari khaak surma ban ke pahunche chashm-e-rauzan tak

khizan men dekh lena vadi-e-pur-khar se bad-tar

chaman bhi hai bahar-e-lala-o-nasrin-o-sosan tak

kidhar aaya hai dil pachhtaoge nadan na ho dekho

na pahunchoge kabhi ai ‘mehr’ tum us shokh-e-har-fan tak

More Poems

Leave a Comment