zarb-e-halat kuchh nahin hoti
ranj ki baat kuchh nahin hoti
jis men dil ka ziyan nahin hota
vo mulaqat kuchh nahin hoti
vo jo shayan-e-shan-e-faqr na ho
aisi ḳhairat kuchh nahin hoti
bad-sharisti lahu men hoti hai
baat men baat kuchh nahin hoti
zo.am to astin ka hota hai
saanp ki zaat kuchh nahin hoti
log jo ba-vafa nahin hote
un ki auqat kuchh nahin hoti
ek vaqfa visal ka hai faqat
hijr ki raat kuchh nahin hoti
jab se ankhen ujaḌ ga.i hain ‘qais’
ghar men barsat kuchh nahin hoti
Leave a Reply