poet

Is Jaur O Jafa Se Tere Zinhaar Na Tute

is jaur o jafa se tire zinhar na tuute

ye dil to kisi tarah se ai yaar na tuute

ghairon ko na kar mujh dil-e-bismil ke muqabil

chau rang lagate tiri talvar na tuute

vo shisha-e-dil hai ki isi sang-e-jafa par

sau baar agar phenkiye yak-bar na tuute

rakh qais qadam vadi-e-laila men samajh kar

is dasht-e-mohabbat ka koi khaar na tuute

jumbish men na la subha-e-islam ko ai shekh

nazuk hai mira rishta-e-zunnar na tuute

shana se ‘fughan’ phir ulajhta hai mira dil

us kakul-e-mushkin ka koi taar na tuute

More Poems

Leave a Comment