guzarish kar saba khidmat men tu us la-ubali ke
tire jaane se gul murjha gae hain naqsh-e-qali ke
mire aghosh jab se uth gaya hai to main rota huun
nahin thamte hain ashk-e-chashm tasvir-e-nihali ke
main be-khud huun mujhe maazur rakh rone men ai saaqi
miri chhati bhari hai dard se mina-e-khali ke
tasavvur men tasadduq men huun main us shama-ru uupar
hain goya ‘ishq’ ham tasvir-e-fanus-e-khayali ke
Leave a Reply