chand bhi bujha Daala dil dukhane valon ne
kuchh utha nahin rakkha dil dukhane valon ne
ham ne khastagi paai dil-giraftagi paai
khair ham se kya paaya dil dukhane valon ne
khub” vaza-dari hai zakhm-e-taza se pahle
ham se hal-e-dil puchha dil dukhane valon ne
be-qarar hain ankhen kaise ab lahu roen
khushk kar diya dariya dil dukhane valon ne
sach kaha sada dil ko dil se raah hoti hai
khuub ham ko pahchana dil dukhane valon ne
un ki vajh-e-shohrat to talkh guftugu hi thi
kyuun badal liya lahja dil dukhane valon ne