Marghoob Ali
suluk dekh liya be-hunar havaon ka
har ek shaḳh hai manzar udaas rahon ka
vo chand ban ke miri raat par utarta hai
to kaise yaad rakhun rang phir qabaon ka
na koi nazm hi likkhi na tujh se baat hui
ye puura saal hi Thahra mujhe sazaon ka
talab rahe to mahakte hain chahaton ke phuul
talab miTe to sila kaisa phir vafaon ka
nahin ye koh-e-nida se hai kuchh alag basti
javab aata nahin lauT kar sadaon ka
Leave a Reply