Razi Akhtar Shauq
vo jang main ne mahaz-e-ana pe haari hai
lahu men aaj qayamat ki barf-bari hai
macha hua hai badan men lahu ka vavaila
kahin se koi kumak laao zahr kaari hai
ye dil hai ya kisi afat-rasida shahr ki raat
ki jitna shor tha utna sukut taari hai
sadaqaten hain ajab ishq ke qabile kii!
usi se jang bhi Thahri hai jis se yaari hai
vo saath tha to sabhi raste usi ke the
bichhaḌ gaya hai to har rahguzar hamari hai
Leave a Reply