Anwar Shuoor
zahr ki chuTki hi mil jaa.e bara.e dard-e-dil
kuchh na kuchh to chahiye baaba dava-e-dard-e-dil
raat ko aram se huun main na din ko chain se
haa.e haa.e vahshat-e-dil haa.e haa.e dard-e-dil
dard-e-dil ne to hamen behal kar ke rakh diya
kaash koi aur gham hota baja.e dard-e-dil
us ne ham se ḳhairiyat puchhi to ham chup ho ga.e
koi lafzon men bhala kaise bata.e dard-e-dil
do bala.en aaj kal apni sharik-e-hal hain
ik bala-e-dard-e-duniya ik bala-e-dard-e-dil
zindagi men har tarah ke log milte hain ‘shu.ur’
ashna-e-dard-e-dil na-ashna-e-dard-e-dil
Leave a Reply