Guzri Jo Rahguzar Mein Use Darguzar Kiya

guzrī jo rahguzar meñ use darguzar kiyā

aur phir ye tazkira kabhī jā kar na ghar kiyā

chashm-e-salīqa-sāz to ḳhāmosh hī rahī

ruḳhsat pe terī dil ne bahut shor-o-shar kiyā

āzurdagān-e-hijr kī vahshat ajiib hai

nikle na ghar se aur na ābād ghar kiyā

be-barg-o-bār jism thā mahrūm-e-e’tibār

sar-gamī-e-sabā ne shajar ko shajar kiyā

apne sivā kisī ko ye dil māntā na thā

is dil ko ustuvār tirī aañkh par kiyā

ye ishq marhala to safar-dar-safar kā hai

ab dekhnā hai kis ne kahāñ tak safar kiyā

aise kushāda-dast kahāñ ke the ham ‘razī’

shāyad lihāz-e-zahmat-e-daryūza-gar kiyā

Leave a Comment