Dil-Dadgan-E-Lazzat-E-Ijad Kya Karen

dil-dadgan-e-lazzat-e-ijad kya karen

sailab-e-ashk-o-ah pe buniyad kya karen

karna hai ban ko taaza nihalon ki dekh bhaal

biiti hui bahar ko vo yaad kya karen

haan jaan kar umiid ki maddham rakhi hai lau

ab aur pas-e-khatir-e-nashad kya karen

sangin haqiqaton se kahan tak malul hon

ranai-e-khayal ko barbad kya karen

dekho jise liye hai vo zakhmon ki kaenat

ham ek apne zakhm pe fariyad kya karen

rindon ki aarzu ka talatum kahan se laaen

asudgan-e-masnad-e-irshad kya karen

kis ko nahin sukun ki khvahish jahan men

uftadgan-e-rahguzar-e-bad kya karen

jo har nazar men taaza karen mai-kade hazar

sach hai ‘surur’-e-rafta ko vo yaad kya karen

Leave a Comment