Qahat-Sali Si Qahat-Sali Hai

qahat-sālī sī qahat-sālī hai

dil tirī yaad se bhī ḳhālī hai

dekh tū āsmāñ ke bistar par

chāñd merī tarah savālī hai

ḳhvāb dekhūñ to kis tarah dekhūñ

niiñd us ne mirī churā lī hai

ham ne bujhte hue diye kī lau

tez āñdhī meñ phir uchhālī hai

sach to ye hai ki kār-e-vahshat meñ

ham ne ye umr hī gañvā lī hai

hijr kī dopahar meñ ai ‘sayyad’

bazm yādoñ kī phir sajā lī hai

Leave a Comment