garm raftar hai teri ye pata dete hain
dam-ba-dam lau tire naqsh-e-kaf-e-pa dete hain
hijr se karte hain nashad hamen vasl se shaad
ḳhud maraz dete hain aur aap shifa dete hain
dil ki tum baat samajhte ho zaban go na hile
ḳhuub sunte ho jo chupke se sada dete hain
kam na samjhen miri aahon ke shararon ko huzur
aag abhi saare zamane men laga dete hain
tum ne ehsan kiya hai ki namak chhiḌka hai
ab mujhe zaḳhm-e-jigar aur maza dete hain
un ki taqdir men hai mere lahu men bharna
ḳhuun ki bu tire daman-e-qaba dete hain
saaf karte hain abhi ghair ye vo tegh-e-ada
dost aa ke mujhe paigham-e-qaza dete hain
jaago ai mumlikat-e-ishq ke sone vaalo
shab ko darban-ए-dar-e-yar sada dete hain
jitne sha.ir hain unhon ne hamen izzat di hai
ham ‘rashid’ un ko shab-o-roz dua dete hain
Leave a Reply