Poet
ab ye gul gulnar kab hai ḳhaar hai be-kar hai
aap ne jab kah diya be-kar hai be-kar hai
chhoḌ kar matl.a ghazal damdar hai be-kar hai
jab sipah-salar hi bimar hai be-kar hai
ik saval aisa hai mere paas jis ke samne
ye jo teri shiddat-e-inkar hai be-kar hai
tujh ko bhi hai chand ka didar karne ki talab
ik diye ko raushni darkar hai be-kar hai
mai-kade ke muḳhtalif adab hote hain ‘charagh’
jo yahan par sahab-e-kirdar hai be-kar hai
Leave a Reply