mubarak saqi-e-mastan mubarak
farogh-e-majlis-e-rindan mubarak
jabin-e-shauq ke sajdon pe sajde
tujhe sang-e-dar-e-janan mubarak
tajalli-e-jamal-e-ru-e-janan
tujhe ai dida-e-hairan mubarak
ada-e-dilbari-o-dil-navazi
tujhe ai khusrav-e-khuban mubarak
rida-e-khvajagi taj-e-vilayat
tumhen ai murshid-e-dauran mubarak
kisi ke zakhm-ha-e-dil ko ya-rab
kisi ki jumbish-e-mizhgan mubarak
dar-e-‘varis’ pe hai ‘bedam’ ka bistar
tiri jannat tujhe rizvan mubarak
Leave a Reply