naz-parvarda-e-jahan tum ho
dard-o-gham ho jahan jahan tum ho
ye zamin bhi agar nahin meri
haa.e kyuun zer-e-asman tum ho
main ne ki thi shikayat-e-darun
be-sabab mujh se bad-guman tum ho
main zamane se ḳhud samajh leta
vaqt ke mere darmiyan tum ho
phuTti hai vahin se dard ki lai
parda-e-saz men jahan tum ho
tum ko pa kar bhi sochta huun yahi
kya faqat ranj-e-ra.egan tum ho
Leave a Reply