Sufi

Tujhe Apna Banana Chahta Hun

tujhe apna banana chahta huun

magar khud ko bhi paana chahta huun

tumhari yaad ko dil men basa kar

main sab kuchh bhuul jaana chahta huun

zara meri taraf bhi ho tavajjoh

main hal-e-dil sunana chahta huun

jo har insan ko sarshar kar de

main aisa giit gaana chahta huun

main thukra kar jahan ki saari daulat

faqat ab tujh ko paana chahta huun

tumhen khushiyan ata karne ki khatir

main apna gham chhupana chahta huun

mohabbat zindagi hai apni ‘ahsan’

yahi sab ko batana chahta huun

More Poems

Leave a Comment