zara si baat par said-e-ghubar-e-yas hona
hamen barbad kar dega bahut hassas hona
musalsal koi sargoshi humakti hai lahu men
mayassar hi nahin hota par apne paas hona
sabhi sinon men teri naubaton ki guunj lekin
tiri dhun ka kisi dil ki nava-e-ḳhas hona
hamari shauq-rahon par kabhi dekhegi duniya
tumhare pattharon ka gauhar o almas hona
idhar bhi to use ik din uThani hain nigahen
hamen bhi to kabhi hone ka hai ehsas hona
kisi mausam to apne badbanon par bhi ‘ali’
likhenge ashna jhonke hava ka raas hona
Leave a Reply