Abhinandan Pandey
jazb hota ja raha hai dil men dard-e-la-ilaj
kya isi marham se hona tai hai duniya ka ilaaj
thi yahi ummid bhi aur chara-gar ne bhi kaha
aap kab ke mar chuke hain aap ka kaisa ilaaj
dil ko na-manzur thi tasvir si jhuti dava
tai hua tark-e-taalluq hijr ka pahla ilaaj
khud-kushi ka faisla ye soch kar ham ne kiya
kaun karta zindagi ka maut se achchha ilaaj
al-madad ai raqs-e-vahshat aaj mar jaenge ham
ai junun is be-sabab tanhai ke tanha ilaaj
Leave a Reply