jigar-moradabadi

Jo Tufanon Mein Palte Ja Rahe Hain

jo tufanon men palte ja rahe hain

vahi duniya badalte ja rahe hain

nikharta aa raha hai rang-e-gulshan

khas o khashak jalte ja rahe hain

vahin main khaak udti dekhta huun

jahan chashme ubalte ja rahe hain

charagh-e-dair-o-kaba allah allah

hava ki zid pe jalte ja rahe hain

shabab o husn men bahas aa padi hai

nae pahlu nikalte ja rahe hain

More Poems

Leave a Comment