Sufi

Zang-Khurda Lab Achanak Aaftabi Ho Gae

zang-khurda lab achanak aftabi ho gae

us gul-e-khush-rang ko chhu kar gulabi ho gae

is ghazal par ayat-e-paighambari utri hai kya

log kahte hain ki sab misre sahabi ho gae

jhumne lagte hain us ko dekhte hi baagh men

aise lagta hai parinde bhi sharabi ho gae

ab to mujh par bhi nahin khulta hai darvaza mira

tum to aate hi mire kamre ki chabi ho gae

dost adam-khor chidiyon se abhi hai vasta

kya karunga jab kabutar bhi uqabi ho gae

More Poems

Leave a Comment