Poet
ye ḳhazane ka koi saanp bana hota hai
aadmi ishq men duniya se bura hota hai
kaam aata nahin bilkul koi rona-dhona
jaane vaala to kahin duur gaya hota hai
jhonk kar dhuul nigahon men jahan valon ki
vo hamesha ki tarah mera hua hota hai
likh di hoti hai muqaddar men bulandi jis ke
surat-e-ḳhak vo qadmon men paḌa hota hai
karni paḌti hai usi men hamen tarmim ki jo
vaqi.a pahle se tartib diya hota hai
Leave a Reply