nam-e-ashk ankhon se Dhalne laga hai
ki favvara khuun ka uchhalne laga hai
Duba dil ka ghar aankh tak aan pahuncha
ab aansu ka naala ubalne laga hai
ye seb aanb shaftalu narangi kamarkha
tire baagh ka meva palne laga hai
tumhari miyan dekh ye phal phulari
mira tifl-e-dil to machalne laga hai
khajuren samose tale kuchh dila do
ajii! ji mira un pe chalne laga hai
abhi aae kahte ho jaata huun lo ji
ye sunte mira ji dahalne laga hai
miri jaan jald ‘azfari’ paas aa ja
ki ji us ka tujh bin nikalne laga hai