abroo-shah-mubarak

Kaho Tum Kis Sabab Ruthe Ho Pyare Be-Gunah Hum Sin

kaho tum kis sabab ruthe ho pyare be-gunah ham siin

churane kyuun lagi hain yuun tiri ankhiyan nigah ham siin

iti na-mehrbani kyuun kari nahaq gharibon par

kiya kya ham niin zalim apne ji ki baat kah ham siin

kya tha naqd-e-jan apna nisar is vaste tum par

ki be-taqsir yuun dil men rakhoge tum girah ham siin

taghaful chhudna zalim be-takalluf ho sitam mat kar

kapat ki ashnai ye nahin sakti nibah ham siin

tumhari tarah milna chhod kar bedard ho rahna

kaho kyun-kar ye sakta hai jite jiyo ye gunah ham siin

lage hain ghair-farzin ki tarah mil kaj-ravi karne

hamesha jo ki kha jaate hain sab baton men shah ham siin

main apni jaan siin hazir huun lekin ‘abru’ to rakh

khuda ke vaste iita bhi rukha tu na rah ham siin

More Poems

Leave a Comment