Imtiyaz Khan
taraj ḳhvahishon ka mudava na ho saka
koi hamare vaste iisa na ho saka
itni shadid dhuup thi mujh pe ki umr-bhar
abr-o-daraḳht se kabhi saaya na ho saka
nindon men chhoḌ kar hamen aage nikal gaya
ham se us ek ḳhvab ka pichha na ho saka
guzre phir ek baar to donon ke darmiyan
vo vaqi.a jo tuur pe puura na ho saka
dahkan-e-gham ne ḳhuun se sinchi zamin-e-dil
lekin ye dasht dasht tha sabza na ho saka
Leave a Reply