dasht hote hue barsat nahin chahte ham
ya.ani apne bhi mafadat nahin chahte ham
honT cigarette ki talab karte chale jaate hain
aur is ke muzir asarat nahin chahte ham
raas yakta.i bahut aa.i hui hai ham ko
qaid ho kar bhi mulaqat nahin chahte ham
jo ka.i shahron ke miTne ka sabab ho jaa.en
dosta aisi futuhat nahin chahte ham
haath phaila.e tire dar pe paḌe rahte hain
vo jo kahte the ki ḳhairat nahin chahte ham
apne pairon se hamen apna safar karna hai
is liye aap ki ḳhidmat nahin chahte ham
Leave a Reply