razia-halim-jang

Dil Ki Haalat Bigad Rahi Hai Kyun

dil ki halat bigad rahi hai kyuun

har nafas mujh ko be-kali hai kyuun

dil lagata hai bas sada teri

be-qarari ye badh rahi hai kyuun

us ke kuche men umr guzri phir

kucha-e-yar ajnabi hai kyuun

jism zanjir ho bhi sakta hai

ruuh azad hai ruki hai kyuun

ab ye samjhi huun jab bani jaan par

markaz-e-jan tiri gali hai kyuun

More Poems

Leave a Comment